يا حب لمحة واختفى...

درب الهوى

كان العمر كلّو صفا.........كنا سوا ..ليل وسهر
والنور عم يمشي حفا........ويفارق غصون الشجر
إنت وأنا ونسمة جفا ...هبتْْ على الحلم إنكسر
قنديل هاليل إنطفا.......وين القمر ...ما في قمر
يا شوق ياحرامي الغفا....يا مغطِّسْ دموع البشر
ياحب لمحة وإختفى ......ما عدت شفتلّو أثر
يا برد عم يلغي الدفا....ودموع عم تمحي الصور
حكمة وماكنا نعرفا .......إنو القدر هوِّي القدر
********************************
شو صار يا درب الهوى ....يا زارع بقلبي التعب
مش همّ ما عدنا سوى.....ولا همّ نبرم عالسبب
المهم من بعد الغرق .....ننسى العذاب اللي مرق
بعدك يا قلبي اللي إحترق...مغروم حرقة باللهب
*******************************
من وقت مالكون إبتدا.......كانوا إثنين بهالدني
وما كان في غيرون حدا....ولا ينطفي الحب الهني
قلبون عالشوق إهتدا....وصارت سنة تسرق سني
تا صار يوسع هالمدى ........والبعد يكبر بالدني
واليوم صرنا عالهدا ..........نحرق حياة مزينة
ما ظلّ للوردة ندى.........وما في غصن عم ينحني
وبقيت وحدي ماعدا.......أحلام عمر الولدني
لاصوت حتى ولا صدى ...ينده ويسأل شو بني
*******************************
شو صار يا درب الهوى ....يا زارع بقلبي التعب
مش همّ ما عدنا سوى.....ولا همّ نبرم عالسبب
المهم من بعد الغرق .......ننسى العذاب اللي مرق
بعدك ياقلبي اللي إحترق.....مغروم حرقة من اللهب

************************************
أداء/دينا حايك
للتحميل